القاهرة الأوربية.. حكاية أهم مشروع سياحي في وسط البلد - غاية التعليمية

غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

 
هو ايه اللي بتعمله الحكومة في منطقة وسط البلد وازاي هترجع القاهرة اجمل من المدن الأوروبية وايه تأثير دا على السياحة والتسوق في مصر وجذب البراندات العالمية والفنادق وشركات السفر للقاهرة التاريخية.. خليكم معانا للآخر وهتعرفوا التفاصيل في الفيديو ده 
 

 
اكيد تعرفوا أن القاهرة عاصمة مص كانت في وقت من الأوقات من اجمل عواصم العالم والموضة كانت بتنزل القاهره قبل ما تنزل في محلات باريس وإن شوارعها كانت اجمل وانظف من شوارع لندن وبرلين وأنها كانت عاصمة الفن والثقافة والسياحة والسفر  لكن مع مرور الوقت المنطقة اتغيرت مع زحف العشوائيات.

طيب ايه اللي بيحصل دلوقتي في القاهرة التاريخية ؟
يظهر كده إن الحكومة قررت ترجع القاهرة الخديوية كلها لعصرها الدهبي ورغم أن في عهد الرئيس السيسي تم عمل مشروع لإنقاذها وإعادتها لرونقها لكن الدولة قررت تعمل مشروع شامل جديد لإعادة بريق القاهره التاريخية يرجع معاها السياحة وشركات السفر  والفنادق العالمية وبراندات الاكل والملابس العالمية الشهيرة وتحول العاصمة التاريخية لمقصد سياحي مستقل.

دا اللي كشفه المهندس شريف الشربيني وزير الإسكان والمرافق والمجتمعات العمرانية في الساعات الأخيرة لما شرح تفاصيل أعمال تطوير مشروعات القاهرة الخديوية وعلى رأسها سنترال العتبة وجراج الأوبرا بجانب عمارات القاهرة التاريخية من العتبة لمثلث ماسبيرو للأزبكية وإعادتها أفضل مما كانت وزي ما احنا عارفين إن منطقة وسط البلد فيها عمارات غاية في الهندسة المعمارية والروعة والجمال وبتعتبر كنوز مصر العقارية وجزء مهم من تاريخ البلد دي

نرجع لكلام المهندس شريف الشربيني واللي كشف كمان أن فيه  عدد من المقترحات لرفع كفاءة وتطوير مبني سنترال العتبة وتطوير واجهة مبني جراج الأوبرا وفق جدول زمني للانتهاء منه، وبالنسبة للموقف التنفيذي لتطوير مشروعات القاهرة الخديوية، فتم بالفعل الانتهاء من تطوير 32 عمارة سكنية و220 وحدة تجارية وإدارية.

الوزير استتعرض كمان موقف مشروع تطوير حديقة الأزبكية التراثية وطبعا كلنا فاكرين المسرح الشهير لحديقة الأزبكية واللي وقف فيه عمالقة الفن والغناء المصري زي الست أم كلثوم واللي العالم العربي كله كان يسمعها وهي بتطرب من مسرح الازبكية وقال وزير الإسكان إنه بيجري حاليا إزالة التعديات حولين السور للانتهاء من أعمال التطوير  بخلاف  أعمال تطوير مبني نادي السلاح.

الوزير اتكلم كمان عن مشروع مثلث ماسبيرو واللي ودع العشوائيات اللي شوهت المشهد وقال إن المشروع على مساحة 75 فدان وتتكون عناصره من السكن البديل، والبرج التجاري والفندقي، والساحة الرئيسية، وأبراج النيل، وبخصوص مشروع تطوير منطقة سور مجري العيون فقال الوزير ان المشروع بيتكون من 79 عمارة بنسبة انجاز فعلي تصل الي 95%.

من أهم أعمال تطوير القاهره التاريخية هو مشروع حدائق الفسطاط وقريب اووي هنشوف أعظم مشروع اخضر في تاريخ القاهرة كله وهو مشروع تلال الفسطاط واللي حول الهوايات لجنة على الأرض عبارة عن حدائق ومناطق ترفيه وانهار صناعيه وبحيرات وهيكون من أهم المزارات السياحية للمصريين والأجانب ودا بخلاف مشروعات تطوير السيدة عائشة والقلعة والمساجد التاريخية.. طبعا لما المشروعات كلها تخلص هنشوف عاصمة تاريخية جديدة وهتجذب شركات السياحة في العالم كله.