هتحل أزمة الدولار في مصر.. الحكومة هتجمع كام مليار دولار - غاية التعليمية
غاية التعليمية يكتُب.. الدولة في الفترة الحالية اعتمدت خطة هتعظم الاقبال علي المجتمعات العمرانية الجديدة اللي بتنفذها الدولة في المدن الجديدة.. اتري اية هيا الخطة دي .. وازاي الدولة هتستفاد منها.
اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.
في الفترة الأخيرة الدولة عملت حاجات كتيرة جدا لربط المصريين العاملين بالخارج بالدولة المصرية، خصوصا أن المصريين العاملين بالخارج حاليا بقوا المصدر الأول للدخل الدولاري لمصر، وده اللي عكسته الارقام اللي أعلنها البنك المركزي واللي أكد أن تحويلات المصريين في الخارج ارتفعت بنسبة 68.4% على أساس سنوي في أكتوبر 2024 .
البنك المركزي قال إن تحويلات المصريين العاملين في الخارج سجلت 2.9 مليار دولار في أكتوبر 2024 مقابل 1.7 مليار دولار في الشهر نفسه من 2023.
البنك المركزي قال كمان انه علي مدار الـ10 شهور اللي فاتوا وتحديدا من يناير لشهر أكتوبر 2024، تحويلات المصريين العاملين بالخارج زادت لـ45.3% ووصلت لـ 23.7 مليار دولار مقارنة بـ 16.3 مليار في الفترة من يناير إلى أكتوبر 2023.
الأرقام الكبيرة اللي حققها المصريين العاملين بالخارج حفز الحكومة أنها تفكر بشكل اكبر في ربط المصريين بالدولة، وجت الخطة من قطاع الأسكان واللي أعلنت عن طرح 5055 وحدة وفيلا سكنية للمصريين العاملين والمقيمين بالخارج ضمن مبادرة بيتك في مصر .
طيب الطرح الجديد لوحدات والفيلل الجديدة هيكون متاح للحجز أمتي ؟.
المهندس شريف الشربيني وزير الإسكان والمرافق والمجتمعات العمرانية قال أن الوزارة هتتفح باب الحجز للواحدات السكنية والفيلل الجديدة مع بداية شهر فبراير 2025، وهيشمل الطرح وحدات وفيلات في مدن مميزة زي العاصمة الإدارية الجديدة والعلمين الجديدة والمنصورة الجديدة والسادس من أكتوبر والشيخ زايد والقاهرة الجديدة والعبور الجديدة والسويس الجديدة وعدد كبير من المناطق التانية اللي هيتم الإعلان عنها في الفترة اللي جاية.
وزير الإسكان والمرافق والمجتمعات العمرانية قال أن مبادرة الوحدات السكنية المخصصة للمصريين بالخارج بتستهدف توفير خيارات سكنية متنوعة بشروط ومزايا تنافسية مع تقديم بدائل مرنة لسداد قيمة الوحدات وربط المصريين مع وطنهم الأم .
طيب الحكومة بتستهدف توصل بكام من تحويلات المصريين العاملين بالخارج؟.
الحكومة حاليا بتستهدف زيادة نمو تحويلات المصريين العاملين بالخارج بنسبة 10% سنويا وخلال 6 سنين اللي جايية الحكومة عايزة توصل بتحويلات المصريين بالخارج لـ 53 مليار جنيه في 2030، وعلشان الحكومة توصل للهدف ده حطت أكثر من محور علشان تشتغل عليه منهم طرح صندوق استثماري برأس مال مليار دولار بوحدات قابلة للاكتتاب للمصريين العاملين بالخارج للاستثمار في محفظة من الأصول المملوكة للدولة واللي عليها اقبال كبير، ده غير تأسيس شركة لاستثمار مدخرات المصريين العاملين بالخارج برأس مال مليار دولار، وده هيكون هدفها الاستثمار في عدد كبير من القطاعات الإنتاجية والخدمية، واخيرا تأسيس شركة لتصدير العقار تأجير وتملك الوحدات السكنية بالنقد الأجنبي للمستثمرين الأجانب والمصريين العاملين بالخارج بعائدات متوقعة ما بين 2 إلى 3 مليارات دولار وهيحصل المستفيدين الأجانب في المقابل على إقامة لمدة 5 سنين .
كُنا قد تحدثنا في خبر هتحل أزمة الدولار في مصر.. الحكومة هتجمع كام مليار دولار - غاية التعليمية بأستفاضة، ويمكنك تصفح جميع الأخبار المتعلقة بهذا الشأن عبر موقعنا غاية التعليمية الالكتروني.
