الرئيس أخد التمام من كامل الوزير.. ايه اللي هيحصل في 2025 - غاية التعليمية

غاية التعليمية يكتُب.. إيه المفاجآت اللي كشف عنها الفريق كامل الوزير في الساعات الأخيرة وايه سر اتصالات الرئيس اليومية وحكاية المفاجأة اللي هتحصل في 2025.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

الفريق كامل الوزير، نائب رئيس الوزراء للتنمية الصناعية، وزير الصناعة والنقل زي ما اتعودنا  كل الاخبار اللي بتيجني من ناحيته بتكون اخبار سارة ومفرحة عن البلد وفي الكام ساعة اللي فاتو كان الوزير حديث مصر كلها لما طلع وقال تصريحات مهمة جدا وزي ما احنا عارفين إن الفريق كامل الوزير مش بيقول غيى أرقام وحقايق وإنجازات هتتحقق بالمواعيد.

الفريق كامل الوزير اتكلم عن أهم الملفات اللي بتشغل بال الرأي العام في مصر وهي ملفات الاقتصاد والاستثمار وقال إن في سنة 2025 هيكون فيه اخبار سارة جدآ وإن المصريين هيجنوا ثمار مشروعات اقتصادية عملاقة.. وبخصوص ملف الاستثمار أكد كامل الوزير أن الدولة أطلقت عدد كبير من حوافز الاستثمار لجذب المستثمرين  الأجانب  للاستثمار في السوق المصرية وإن سنة 2025 هتكون سنة خير وجني الثمار والمشروعات القومية اللي بتتعمل.

الفريق كامل الوزير كشف عن مفاجأة لما قال إن يوم 12 يناير اللي جاي هيحضر لمصر صاحب أكبر مصنع في العالم لإنتاج إطارات السيارات الملاكي للاستثمار في السوق المحلية وإن دلوقتي المستثمرين في كل دول العالم عاوزين يستثمروا في السوق المصري وأن قريب هيكون فيه هناك أخبار إيجابية في مجال تصنيع لوازم وقطع غيار السيارات وخاصة الاطارات.

طيب ايه اللي قاله تاني كامل الوزير ؟
الفريق كامل الوزير كشف في مداخلة ليه عن المتابعة المستمرة للرئيس السيسي لكل تفصيلة بتحصل في  الحكومية وفي وزارتي الصناعة والنقل تحديدا لأنهم أهم وزارتين دلوقتي في خطة الانطلاقة الاقتصادية وكلنا شفنا المشروعات اللي بتتعمل سواء في وزارة الصناعة أو في النقل من ساعة من الفريق كامل الوزير أتولى مسؤوليتهم.

المهم الوزير كشف إن الرئيس السيسي بيتواصل معاه يوميا وقال إن الرئيس بياخد مني التمام، وبيقولي أنت عملت كام مصنع النهارده؟ وبيدخل في كافة التفاصيل وإيجاد حلول ليها وبيتابع كل صغيرة وكبيرة وبمواعيد زمنية والرئيس مش بينسى حاجة  وقال كمان إن الرئيس السيسي وجه بمنح أي مصنع متوقف للمستثمر بشرط يسدد تمن الأرض والمنشأة بالتقسيط، كمان الرئيس السيسي وجه بدراسة الأفكار لحل مشكلات المستثمرين والمصنعين.. يعني مفيش مصنع هيفضل مقفول وكله لازم يشتغل وينتج ويشغل الشباب ودا بيأكد أن أكبر مسؤول في البلد بيتابع كل تفاصيل الملفات الاقتصادية وزي ما بيكلم كامل الوزير بيكلم الدكتور مصطفى مدبولي رئيس الحكومة وغيره من الوزراء والمسؤولين على مدار اليوم.

خلاصة اللي قاله الفريق كامل الوزير إن مصر داخلة على ايام سعيدة خاصة في الملف الاقتصادي خلال 2025 واللي هتكون سنة خير وتنمية وانتهاء الأزمات وجني الثمار والمشروعات الكبيرة اللي هتخلص وتدخل الخدمة والإنتاج زي ما قال وزير الصناعة واللي كلامه جي في وقت مهم جدا بتتعرض فيه مصر لهجمات إلكترونية شرسة لنشر الفتنة والتحريض على الدولة والاستقرار وماسكين في شماعة الأزمة الاقتصادية رغم أنها عالمية وأغلب دول العالم اتاثرت بيها.