الاسكان تصدم المواطنين بخصوص اعلان سكن كل المصريين 5.. إيه اللي حصل؟ - غاية التعليمية

غاية التعليمية يكتُب.. في الفترة اللي فاتت، صندوق الاسكان الأجتماعي عمل مفاجاة لكل المصريين وقرر مد فترة التقديميات علي إعلان شقق كل المصريين 5.. بس وزارة الاسكان كان لها راي تاني في الموضوع ده هيغير تفكير واتجاهات الناس تماما.. ياتري اية هو الراي ده واية تاثير علي تقديمات الناس في اعلان شقق كل المصريين 5.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

اعلان سكن كل المصريين 5 واحد من اهم اعلانات الاسكان اللي كانت كل الناس مستناها من وقت طويل، ولما وزارة الاسكان اعلنت عن فتح بيع كراسات الشروط كان في طوابير كبيرة جدا قدام مكاتب البريد علشان يشتروا الكراسات، ولحد دلوقتي الوزارة باعت اكثر من 700 الف كراسة شروط في حين ان عدد الشقق المتاحة للمواطنين لا يتعدي 73 الف شقة علي مستوي القاهرة والجيزة وباقي المحافظات.

في الفترة اللي فاتت في ناس كتير جدا اشتكوا من التعامل مع موقع صندوق الاسكان الاجتماعي وصعوبة الدخول عليه ورفع الأوراق والمستندات اللي حددتها الدولة لبيع الشقق، وفي ناس كتير عملوا شكاوي في الموقع لسبب بسيط وهو أنهم بعد ما اشتروا الكرسات وجهزوا كل الاوراق المطلوبة وجهزوا مبالغ جدية الحجز اللي حددتها وزارة الاسكان والمرافق العمرانية واللي بتوصل لـ30 الف جنية للمدن الجديدة و20 الف جنية للمحافظات، وبعد كل ده مش عارفين يدخلوا  علي الموقع ولا يرفعوا ورقهم.

الشكاوي اللي رفعها المواطنين لصندوق الاسكان الاجتماعي، طلعت مي عبدالحميد المدير التنفيذي لصندوق الاسكان الاجتماعي وردت عليها وحدت خطوات الدخول علي الموقع ورفع الاوراق والشروط المطلوبة وكل حاجة خاصة بالتقديمات، وكمان ردت علي كل الاستفسارات اللي وصلت لهم عن طريق شكاوي المواطنين سواء كانت من الناس اللي قدموا في اعلانات قبل كده أو مطلقات وعندهم مشاكل في اثبات النفقة، أو ناس قدمت وسحبت فلوسها من الوزارة في إعلان سابق قبل ما تعلن نتيجة القرعة، ونصحت المواطنين بالطرق الصحيحة في حال وجود اي شكاوي من خلال الاتصال علي الخط الساخن  للصندوق والرد علي اي استفسار عندهم.

 وكمان زفت بشري للمواطنين بمد التقديم علي الاعلان لحد نصف شهر يناير من 2025 بدلا من 31 ديسمبر 2024، وكمان اعلنت عن زيادة عدد مواقع الرفع لمساعدة المواطنين للدخول علي الموقع وتقديم الاوراق والمستندات .

طيب اية المفاجاة اللي قالت عليها وزارة الاسكان للمواطنين بخصوص اعلان سكن كل المصريين 5؟.

بعد كل الاخبار الحلوة اللي قولت لكم عليها طلعت وزارة الاسكان وقالت أن قرار مد التقديم لسكن كل المصريين 5 هيكون للناس اللي اشترت كراسة الشروط وسددوا مقدم جدية الحجز حتى 31 ديسمبر 2024، والمد ده هيكون علشان ياخذوا فرصة يرفعوا اوراقهم علي الموقع.

وزارة الاسكان قالت كمان أن المد لا يتضمن مد فترة شراء كراسة الشروط أو سداد مقدم جدية الحجز، والوحدات السكنية الجاهزة للتسليم الفوري والمطروحة بالمحافظات ضمن إعلان المبادرة الرئاسية سكن لكل المصريين5 لسه في نسبة منها متوافرة  دون تطبيق نظام الأولوية، وده بسبب حجم الإقبال عليها، وعدد المتقدمين لسه متعداش عدد الوحدات المطروحة.