خط سادس للمترو.. هيخدم مين وهيتنفذ امته؟.. كل التفاصيل في هذا التقرير - غاية التعليمية

غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

يا ترى إيه قصة الخط السادس للمترو اللي وزارة النقل ناوية تبدأ تنفذه قريب، طب هيتنفذ في أي منطقة وهيخدم أي محافظة، ومفترص ينقل كام راكب كل يوم، وهيشتغل رسمي امته.. هنقولك كل التفاصيل في التقرير ده فتابعنا للآخر. 
 

من فترة طويلة، ووزارة النقل طرحت موضوع إنشاء الخط السادس للمترو للنقاش المجتمعي، وقالت إنها بتفكر تنفذ الخط ده عشان تربط شمال القاهرة بجنوبها، وهيبدأ من المعادي لحد الخصوص، عشان يخدم سكان كل المناطق الموجودين بين المنطقتين دول.

كمان، الخط ده هيمشي في مسار موازٍى للخط الأول للمترو اللي هو (المرج/ حلوان) واللي بيعتبر العمود الفقري ‏لشبكة مترو الأنفاق، لكن الخط السادس هيساهم في تخفيف الضغط والعبء عن الخط الأول، وكمان هيسهل حركة تنقل المواطنين وهيربط شمال القاهرة بجنوبها زي ما قولنا، وهيمتد من منطقة الخصوص شمالاً لحد المعادى الجديدة، وهيمتد جنوباً لحد منطقة ورشة عمرة الخط الأول في طرة البلد، وطول الخط ده هيبقي 38.6 كم وعدد  المحطات 26 محطة.

ومش بس كده، ده الخط السادس للمترو هيتبادل الخدمة مع الخط الأول، في محطتين عي الدمرداش وطره البلد، يعني المحطات دي هتبقى تبادلية زي الشهداء والسادات وعدلي منصور، وكمان هيتبادل مع الخط التالت للمترو في محطة العباسية، ومع الخط الرابع للمترو اللي بيتنفذ دلوقتي واللي هو (خط الهرم/ أكتوبر) في محطة السيدة عائشة.

عشان كده، الفريق كامل الوزير، نائب رئيس مجلس الوزراء للتنمية الصناعية، ووزير النقل والصناعة، أكد إن الوزارة حريصة على تنفيذ الخط السادس للمترو، لانه هيوفر وسيلة نقل خضراء ومستدامة هتخدم التوسع العمراني اللي بتعمله  الدولة دلوقتي، وأكد كمان أن بيتم حاليا دراسة تنفيذ امتداد للخط على طريق السخنة لحد القاهرة الجديدة عشان يربط جنوباً مع الخط الأول من شبكة القطار الكهربائى السريع في محطة محمد نجيب، وكلمن يربط شمالاً مع مونوريل شرق النيل في محطة النرجس.

طيب ده كلام جميل، إيه بقى تطورات المشروع ده على أرض الواقع، وامته التنفيذ؟

بص يا سيدي، الفريق كامل الوزير التقى في الساعات الأخيرة، السفير الفرنسي في القاهرة ايرك شوفاليه، ووقع على خطة عمل للاتفاق على  الخطوات القادمة لتنفيذ مشروع الخط السادس للمترو، ومن المقرر بدء العمل في المشروع في أقل من سنة.

والاتفاق اللي اتوقع بين مصر وفرنسا هدفه وضع خطة زمنية محددة، عشان يقدم المكتب الإستشاري  "ايجيس / سيتيك" الفرنسي، المستندات والمواصفات الفنية المطلوبة لتنفيذ الأنظمة والأعمال المدنية للهيئة القومية للأنفاق عشان تراجعها كويس وده تمهيداً لقيام شركة ألستوم بتقديم عرضها الفني والتجاري والمالى طبقاَ لهذه المواصفات الفنية، ومن هنا هيتم دراسة العرضين كويس من قبل الحكومة المصرية، وإعتماد العرض الأفضل.

والفترة الجاية هتشهد عقد اجتماعات شهرية بقيادة وزارة النقل لمتابعة التقدم في تنفيذ هذه الخطة الزمنية عشان يتم البدء في تنفيذ الخط السادس للمترو في أقرب وقت ممكن.