كان بيطلعني من التمرين.. أحمد شاهين لاعب المنصورة يكشف أسباب تعديه على علاء نوح |خاص

كتب: أحمد عادل

كشف أحمد شاهين لاعب نادي المنصورة، عن أسباب تعديه على علاء نوح مدرب الفريق، ضمن مواجهات الجولة الـ11 بدوري المحترفين.

وشهدت الدقيقة 71 من عمر المباراة تبديل اللاعب بعد نزوله ملعب المباراة في الدقيقة 60، ليخرج بصعوبة من أرض الملعب في حالة هستيرية، رغم محاولات البعض تهدئته، قبل أن يتوجه إلى دكة البدلاء ويعتدى بالأيدى على مدربه علاء نوح.

وتواصل موقع “كل الكوورة” مع شاهين، وقال: “كابتن علاء نوح كان بيعاملني معاملة سيئه وكان بيطلعني من التمرين
على طول

وأضاف: “لما بنعمل تقسيمة في التمرين و نكون لسه في البداية وكنت أغلط في باص أو تحرك غلط كابتن علاء كان بيقولي أطلع بره وميخلنيش أكمل”.

وتابع: “معاملته اتغيرت معايا من أسبوع بس لكن مش من أول لما تولى تدريب الفريق زي ما بيتقال ومعرفش إيه السبب”.

وأتم: “مفيش حاجة بيني وبين نادي المنصورة القصة كلها مع المدرب ومش هروح التحقيق لأني قررت الاعتزال ومش عايز العب كورة تاني خلاص”.

وانتهت المباراة بفوز المقاولون العرب على المنصورة بثلاثية نظيفة في إطار مباريات الجولة الـ 11 بدوري المحترفين.

ويتصدر المقاولون العرب جدول الترتيب برصيد 23 نقطة، فيما يأتي المنصورة في المركز الـ20 والأخير برصيد 3 نقاط.