زيادة المعاشات.. اعرف الميعاد امتى والفئات المستحقة - غاية التعليمية
غاية التعليمية يكتُب..
اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.
حوالي 11 مليون مواطن مصري على المعاش، وكلهم منتظرين الزيادة الجديدة اللي أعلنت عنها الحكومة ممثلة في وزارة التضامن الاجتماعي، قريب.. طب امته هتكون الزيادة وهتبقى كام، ومين هيزيد ومين لأ.
طبعا، ده كان ومازال سؤال أصحاب المعاشات والمستفيدين منها واللي ممكن يوصلوا لحوالي 11 مليون مواطن ومواطنة زي ما قولنا، وده حصل بالتزامن مع إعلان الهيئة القومية للتأمين الاجتماعي عن رفع الحد الأدنى للمعاشات وأجر الاشتراك التأميني.
اللواء جمال عوض، رئيس مجلس إدارة الهيئة القومية للتأمين الاجتماعي، قال إن هيتم رفع قيمة الحد الأدنى للمعاش للموظفين للي بتنتهي خدمتهم اعتبارا من 1 يناير 2025، عشان يكون 1495 جنيه بدل من 1300 جنيه، يعني بزيادة 195 جنيه، وكمان هيرتفع الحد الأقصى للمعاش ل 11600 جنيه بدل 10080 جنيه بزيادة حوالي 1520 جنيه.
أما بالنسبة للفئات المستحقة لزيادة المعاشات 2025، فوفقا لبيان هيئة التأمين الاجتماعي، فهيتم تطبيق الحد الأدنى للمعاشات الجديد واللي هيبقى 1495 جنيه، لمن تنتهي خدمته اعتبارا من يوم 1 يناير 2025.
كمان، هيام رفع الحد الأدنى لأجر الاشتراك التأميني عشان يكون 2300 جنيه بدل من 2000 جنيه، بزيادة 300 جنيه، وضيف على ده إن تم رفع الحد الأقصى لأجر الاشتراك التأميني عشان يكون 14500 جنيه بدل 12600 جنيه بزياده 1900 جنيه، وطبعا كل ده هيحصل إعتباراً من 1 يناير 2025 .
ونقدر نقول، إن قرار رفع الحدين الأدنى والأقصى لأجر الاشتراك التأمينى بيجي تطبيقا لأحكام قانون التأمينات الإجتماعية والمعاشات رقم 148 لسنة 2019، واللي بتضمن آلية سنوية لزيادة الحدين.
كمان، بيجي تطبيق القرار ده في إطار تنفيذ محاور إصلاح نظام التأمينات الاجتماعي بهدف تحسين قيم المعاشات المستحقة للأشخاص المؤمن عليهم عند انتهاء خدمتهم وإستحقاق المعاش.
أما بالنسبة لميعاد صرف معاشات يناير 2025، فمن المقرر إن يبدأ الصرف بالزيادة الجديدة في الحد الأدني والأقصي للمعاشات والتي هي 195 جنيه و1520 جنيه على الترتيب، في 1 يناير 2025.
وده هيكون لجميع المستحقين بنسبة تصل لـ15%، كزيادة المعاشات السنوية، لأن المادة 35 من قانون التأمينات والمعاشات رقم 148 لسنة 2019، بتنص على زيادة المعاشات سنويًا بحد أقصى 15% في يوم 30 يونيو من كل عام؛ على أن يتم صرف زيادة المعاشات السنوية اعتبارًا من أول يوليو من كل عام، فكان من المقرر أن تكون زيادة المعاشات الجديدة 2025 في 1 يوليو المقبل.
ولو عايز تعرف انت مستحق الزيادة ولا لأ، فممكن تستعلم عن زيادة المعاش بالرقم القومي، وكل ما يتعلق بأخبار المعاشات من خلال الموقع الإلكتروني التابع للهيئة القومية للتأمين الاجتماعي.
كُنا قد تحدثنا في خبر زيادة المعاشات.. اعرف الميعاد امتى والفئات المستحقة - غاية التعليمية بأستفاضة، ويمكنك تصفح جميع الأخبار المتعلقة بهذا الشأن عبر موقعنا غاية التعليمية الالكتروني.
